UiB har fått språksamlingane i hus og no koplar ein på UH-nett Vest og tre av arbeidsgruppene til seminar i Bergen 4. november. Målet er å lasta ut materiale til fleire profesjonsretta masteroppgåver knytt til samlingane.
Det er dei tre nettverka nynorskforsking, bibliotek og lærarutdanning som går saman om å arrangera eit seminar om ei didaktisering av språksamlingane. Målet er å sjå korleis materialet i samlingane kan nyttast i profesjonsretta masteroppgåver i den nye grunnskulelærarutdanninga.
På programmet er det lagt opp til diskusjonar og oppspel.
Åse Wetås (direktør i Språkrådet) vil innleie om språksamlingane: Kva finst? Kva kan det forskast på? Innspel og tankar om korleis driva på med profesjonsretta forsking på dette materialet.
Agnete Nesse (HiB) tek for seg masteroppgåver i grunnskulelærarutdanningane. Føringar og omfang. Kva er realistisk? Korleis kan dei vera profesjonsretta og skulerelevante?
Edit Bugge (HiB) og Randi Neteland (HiB) vil sjå på talemålsdelen av språksamlingane og idear til talemåls-masteroppgåver.
Leiv Inge Aa (NTNU) belyser leksikografidelen av språksamlingane og idear til leksikografiske masteroppgåver. Vinkla mot nynorsk.
Eldar Heide (HiB) går inn på stadnamndelen av språksamlingane og idear til namne-masteroppgåver.