Med ei lærarutdanning på masternivå vil det bli auka krav på fleire felt, ikkje minst når det gjeld høg nok kompetanse i fagstaben for å kunne tilby eit breitt fagtilbod.
Arbeidsgruppa for lærarutdanninga i UH-nett Vest vedtok i sitt møte i juni å ta eit aktivt grep om framtidas lærarutdanning.
Eit spor som gruppa no jobbar på er å skissere vegar mot meir felles lærarutdanningar på Vestlandet, kor dagens studiestader vert vidareført – men med ei tydelegare arbeidsdeling. Eit felles notat er i skriveprosess, og skal opp som eiga sak på styremøte i UH-nett Vest 2. september.